الحمد لله يا ربي على النعمة اللي عطيتني و خليتني نتشفى ف #الضاوية اللهم لا شماتة و لكن فهاذ المرحلة ضروري الواحد يدير شوية ديال التشفي ماشي غي فالضاوية و لكن فبزاف ديال لݣناطح.
مناضلتي و #ضاويتي العزيزة بعد الغياب الطويل و الاعتزال ديالها كانت غايبة على الساحة و خلات بلاصتها لمجموعة من لبنادرية و الطبالة و اللي دارو فالساحة مابغاو . بطبيعة الحال لقاوها خالية غي الزعيمة الضاوية ماكايناش معلوم يديرو مابغاو المشكل ماشي هنا المشكل ان الضاوية ففترة الغياب او التغييب الاضطراري كانت متبعة ݣاع شنو واقع واخا من خلف الكواليس و حاضية الشاذة و الفاذة الضاوية و اجرك على الله .
راه واخا تبانلكم مناضلة و معارضة لاي حاجة و لكل حاجة و راه بعض المرات نلقاها غي ترݣع . قرة عيني خلال هاذ المرحلة متبعة الاخبار بشكل يومي و تحولت من التحليل الاجتماعي للسياسي للرياضي للفني للاقتصادي و تقدر بقدرة قادر انها تجمعلك جميع المواضيع فموضوع واحد و تديرلو تحليل #تيتسويت و بلا حشمة بلا حيا.

بلا حشمة بلا حيا الضاوية ناضت تدير مراجعة لشي اخبار دايرة فالساحة و حتى هي يبالي رجعت من الاتباع ديال #خليو السيد يخدم ،ايه يا ليام ايام ماكنت الضاوية معارضة كل حاجة و اي حاجة هاذ . نعاودهالك بحال لخرافة و لكذوب عليا و التقليد على الضاوية هاذ النهار لقيتها تكتب على تجربة جزر #الشاكرباكربن و نازلة بالسيراج تبارك الله و المديح و البلاغة و اعتبار تجربة هاذ الجزيرة رائدة ماشي غي مع الجزر الاخرى و انما عالميا اش منك يا طرقان اش منك يا رونبوانت اش منك يا مشاريع اللي غادي تبدل لوجه ديال الشاكرباكربن و ترجعها احسن من نيويورك و لا دبي ولا سانغافورة و لا شي قرينة كحلة.

عمي_بوجمعة

اش منك يا جرادي اش منك يا ساحات اللي موفرين فيها جميع اساليب العيش و الترفيه اش منك يا خضورية على طول الطرقان. و بحال ايلا الناس ماراهاش تشوف شنو واقع. و نوض انت حيد للضاوية من راسها بان هاذ الشي كامل اللي راها تكتبو و تقولو و راه غي تدبز و تزيد اشمن ريادة و شمن تجربة تدرس لباقي الجزر. وااااا الضاوية الرجوع لله واش راكي عارفة شنو راكي تقولي ولا غي داوية خاوية ؟؟؟ وااااا الضاوية راه هاذ الشي اللي جاية انت تقوليه وراه قالوه شلا درابكية من شحال هاذي و اليوم عاد انت ضرباتك الفيقة؟؟؟ الضاوية باش تقتانع مشات لجزيرة الشاكرباكربن باش تشوف المنجزات بعينيها و مايعاودولهاش الناس راه يقدرو يكذبو عليها و مايكونش داك الشي اللي على ارض الواقع هو اللي يقولوه و زغبها الرحمان الرحيم و مشات غي فهاذ ليامات و اللي الحرارة يقدر الواحد يسلق فيها البيض بالنزلة و فواحد الشارع طويل و الشمس قريبة لراس الضاوية و ضاربالها فالقلقولة و تبانلك الذبانة تنهت و عرقانة بالحرارة و تقول واش المناضلة ديالنا لقات فين تدرق بالشمس و تقول واش كاين فين تݣيل ذبانة. المشكل ماشي غي فهاذ الشارع و فبزاف ديال الشوارع و تقول. الضاوية ساعة و هي تهرب و رجعت تسب و تعاير فالحاكم الاعلى للجزيرة و الحاكم العام، ياك يا الضاوية قلتهالك من الاول راكي تبندري على لخوا راه ماكاين والو راه ايلا جيتي تبعي الموجة غادي تصدقي مزطمة و فالتالي تعنقي حيط . الضاوية و بعد ما ضربت قابسة ديال دوليبران و بعدما حزمت راسها بربطة ديال لكرنك بدات تراجع الافكار ديالها واش زعما هاذ الناس تفكر نورمال بحال عباد الله ولا التفكير ديالهم غي على قدهم زعما هاذ جزر الشاكرباكربن مافيهاش اللي يفهم فالاغراس ولا غي سميت مصلحة الاغراس اللي كاينة ؟؟؟ يا عباد الله واش شوارع طويلة عريضة ماتلقاش فيها شجرة المشكلة كاين شوارع اللي كانت مضللة و معونة و نوض انت يت السي الفهيم حيد الشجرة و اللي شحال من عام و هي تما و غرس فبلاصتها نخلة دخلنا عليكم بالله واش هاذ المدينة ديال النخل المشكلة ماشي فغرس النخل العادي المشكلة انك تجيب نخل م بيئة اخرى و تبغي تغرسو بزز هنا زعما بت نبت و حنا واش خاسرين ؟؟ ياك يا الضاوية غي البلرح و انت تقوليلي عطى المنظر و الديكور و حافظ على الجمالية ديال لمدينة ؟؟؟ اودي اللي يرحم شي مسؤلين ديال لبرازيل واخل نصارى تقول الله يرحمهم نهار فكرو يديرو شجر التصفيف مامشاوش جابو نخل الواشينطونيا ولا كيسميت والديها ، نهار بغاو يغرسو الاشجار فالشوارع دايلهموغرسو المانغا منها ريحة زينة منها منظر زين منها الناس تشبع الفروي وماشي بحال جزيرة الشاكرباكربن اللي صدق عليهم المثل القائل الشيكي و الجوع ، لا زين لا مجي بكري و مين تهدر معاهم يقولك بغينا الديكور. #بشااااخعلى_ديكور